“વાત્સલ્યધામ” – એક સંસ્થા નહિ , એક વિચારધારા.

પેઢી એક જ વિચારશરણી પ્રમાણે લોકો જીવે છે. જયારે આવા ગામમાંથી એક બાળક ભણી-ગણી ને આગળ આવે અને સારા આર્થિક ઉપાર્જન થકી ગુણવત્તા યુક્ત જીવન જીવે ત્યારે આવા બાળકને જોઇને ગામના બીજા લોકોને તે તરફની નવી દિશા અને વિચરો મળે. ધીમે ધીમે આખું ગામ રૂઢિગત જીવનશૈલીથી બહાર આવી શિક્ષણ અને કૌશલ્ય પારંગતતા માટે હકારાત્મક બનશે. જેનાથી ગામ અને એ સમાજ આત્મનિર્ભર થશે અને બીજાની મદદ વગર પણ જીવનમાં સફળ થઇ શકશે. આજે વાત્સલ્યાધામમાં 800 કરતા વધારે દીકરા દિકરીઓ રહીને જીવન રાહ પર સફળતા મેળવવા પોતાની જાતને તૈયાર કરી રહ્યા છે. મોટાભાગના બાળકો અત્યંત છેવાડાના ગામડા માંથી આવે છે. આ બાળકો ભવિષ્યમાં તેમના ગામના બીજા બાળકો માટે દીવાદાંડી સમા પુરવાર થશે. જેનાથી સ્થાનિક કક્ષાએ મોટું પરિવર્તન આવશે. આમ, આ 800 બાળકો 800 ગામના ઉદ્ધારક બનશે. બીજાની આશા કે મફતમાં મળતી સવલતોની આશા છોડી ખરા અર્થમાં આત્મનિર્ભર બનશે. કોઈને થોડા સમયનું અનાજ કે જીવન ઉપયોગી વસ્તુઓ આપીશું તો એ તો થોડા વખતમાં પતિ જશે. અને તે જ્યાં હતા ત્યાં ના ત્યાં જ  રહેશે. જો તેમના જીવન ધોરણ બદલવા હશે તો તેમના હૃદયમાં પ્રગતિશીલ વિચારોના બીજ રોપવા પડશે જે અંકુરિત થઇ અનેક ગણો પાક આપશે. તેમનામાં હકારાત્મક વિચારો અને સફળ થવા માટેની તાલાવેલી જગાવીશું તો ચોક્કસ પરિવર્તન આવશે. તેની મને ખાત્રી છે.

વાત્સલ્યધામ જેવી અનેક સંસ્થાઓની જરૂર છે. અનેક આશાસ્પદ બાળકો કાળજી વગર ખુબ નાલેશીભર્યું જીવન જીવી રહ્યા છે. આ માટે જવાબદાર કોણ ? જે બાળકમાં ઉચ્ચત્તમ સ્થાને પહોચવાની ક્ષમતા છે એ માત્ર માર્ગદર્શન અને થોડી સગવડોને અભાવે અત્યંત કઠોર જીવન જીવવા મજબુર થાય તે વાત શાલીન સમાજ માટે શરમ જનક છે. સૌ સાથે મળી, સૌ એક બીજાનો હાથ પકડી આગળ વધીશું તો સમાજમાં ઉભી થયેલી ગરીબ-શ્રીમંત વચ્ચેની ઊંડી ખાઈ ભરીને નજીક આવી શકીશું.

                આપ સૌને વાત્સલ્યાધામના મહેમાન બનવા ભાવપૂર્ણ આમંત્રણ સહ….