“આપ હંમેશા જે લક્ષ્યસિદ્ધિની ઈચ્છા રાખો છો તે હાંસલ કરવાનો એક માત્ર માર્ગ સતત સક્રિયતા અને સમર્પણ છે.”
– શ્રી વસંતભાઈ ગજેરા

અમારા પૂજ્ય માતૃશ્રી શ્રીમતી શાંતાબેન હરીભાઇ ગજેરા ની સ્નેહસ્મૃતિમાં ગજેરા ટ્રસ્ટની સ્થાપના કરવામાં આવી હતી. ટ્રસ્ટની સ્થાપના થઇ ત્યારથી ટ્રસ્ટ અને તેના સાથે જોડાયેલા વ્યક્તિઓની વિચારધારા સમાજના તમામ વ્યક્તિઓના પ્રગતિશીલ વિકાસ માટેની રહી છે

સમાજના દરેક વ્યક્તિઓના સશક્તિકરણમાં અને દરેક માટે મદદરૂપ થવામાં અમે દ્રઢ પણે માનીએ છીએ. જીવનનું અંતિમ લક્ષ્ય એટલે “સુખ”, અને અમે તમામ લોકો સુખી થાય તેવા “One Happiness”ના સિદ્ધાંતના પ્રસાર માટે સતત કાર્ય કરીએ છીએ.

તમામ લોકોને પ્રગતિ કરવાની સમાન તક મળે તે આશયથી ગજેરા ટ્રસ્ટ મહદ્ અંશે અંતરિયાળ અને ગ્રામિણ વિસ્તારોમાં કાર્યરત છે. વસંતભાઈ ગજેરા દરેક બાળકના પુનર્વસન તથા તેમની સુશુપ્ત શક્તિઓને જાગૃત કરી ઉચ્ચતમ સ્થાને પહોંચાડવાનું દ્રઢ લક્ષ્ય ધરાવે છે. તેમના દ્વારા સ્થાપિત “વાત્સલ્યધામ” એ એવી સંસ્થા છે જે અનાથ અને સમાજમાં તરછોડાયેલા બાળકોના કરમાયેલા આત્માને નવા પ્રેમ અને જુસ્સાથી ખિલવવાનું કાર્ય કરે છે. અહીં શાળાના વર્ગખંડમાં અને વર્ગની બહાર બાળકોને એવી કેળવણી આપવામાં આવે છે કે જેથી બાળક ભવિષ્યમાં આવનારી તકોનો લાભ લઇ શકે અને આવનાર પડકારોનો સફળતાપૂર્વક સામનો કરી શકે.

2014માં શ્રી વસંતભાઈ ને તેમના સામાજિક ઉત્થાન માટેના કાર્યો માટે, તેમની સંગઠન ભાવના, ખંત, ઉત્સાહ અને સખત પરિશ્રમ માટે અમરેલીના લોકોએ “વતનના રતન” બિરુદ આપ્યું હતું.